ಹೀಗೂ ಉಂಟೇ?! ಈ ಮನೆಯ 6 ಕೋಣೆಗಳು ರಾಜಸ್ಥಾನದಲ್ಲಿದ್ದರೆ, 4 ಕೋಣೆಗಳಿರೋದು ಹರಿಯಾಣದಲ್ಲಿ!
ಈ ಮನೆಯಲ್ಲಿರೋರು ರಾಜಸ್ಥಾನದಲ್ಲಿ ಎದ್ರೆ ಹರಿಯಾಣಕ್ಕೆ ಹೋಗಿ ಕಾಫಿ ಕುಡಿಯಬಹುದು. ಮತ್ತೆ ರಾಜಸ್ಥಾನಕ್ಕೆ ಬಂದು ಸ್ನಾನ ಮಾಡಬಹುದು.. ಹೀಗೆ ಎರಡು ರಾಜ್ಯಗಳ ನಡುವೆ ದಿನದಲ್ಲಿ ಎಷ್ಟು ಬಾರಿ ಬೇಕಾದ್ರೂ ಹೋಗಿ ಬರಬಹುದು!
ಈ ಮನೆಯಲ್ಲಿರೋರು ರಾಜಸ್ಥಾನದಲ್ಲಿ ಎದ್ರೆ ಹರಿಯಾಣಕ್ಕೆ ಹೋಗಿ ಕಾಫಿ ಕುಡಿಯಬಹುದು. ಮತ್ತೆ ರಾಜಸ್ಥಾನಕ್ಕೆ ಬಂದು ಸ್ನಾನ ಮಾಡಬಹುದು.. ಹೀಗೆ ಎರಡು ರಾಜ್ಯಗಳ ನಡುವೆ ದಿನದಲ್ಲಿ ಎಷ್ಟು ಬಾರಿ ಬೇಕಾದ್ರೂ ಹೋಗಿ ಬರಬಹುದು!
ಪ್ರಪಂಚದಾದ್ಯಂತ, ವಿವಿಧ ರೀತಿಯ ಮನೆಗಳು ತಮ್ಮ ವಿಶಿಷ್ಟ ಕಾರಣಗಳಿಗಾಗಿ ಪ್ರಸಿದ್ಧವಾಗಿವೆ. ಅವುಗಳಲ್ಲಿ ಕೆಲವು ವಿಶಿಷ್ಠ ವಾಸ್ತುಶಿಲ್ಪಕ್ಕೆ ಹೆಸರುವಾಸಿಯಾಗಿದ್ದರೆ, ಕೆಲವು ತಾವಿರುವ ತಮ್ಮ ವಿಲಕ್ಷಣ ಸ್ಥಳಗಳಿಗೆ ಹೆಸರುವಾಸಿಯಾಗಿವೆ. ಈ ಹಿಂದೆ ಎರಡು ದೇಶಗಳ ಗಡಿಯಲ್ಲಿ ನಿರ್ಮಾಣವಾಗಿರುವ ಮನೆಗಳ ಬಗ್ಗೆ ಕೇಳಿದ್ದೇವೆ. ಆದರೆ ಈಗ ಎರಡು ರಾಜ್ಯಗಳ ಗಡಿಯಲ್ಲಿ ನಿರ್ಮಾಣವಾಗಿರುವ ಮನೆ ಇರುವುದು ಕಂಡುಬಂದಿದೆ. ವರದಿಗಳ ಪ್ರಕಾರ, ಈ ಹೊಸ ಮನೆಯನ್ನು ಭಾರತದ ಎರಡು ನೆರೆಯ ರಾಜ್ಯಗಳ ಗಡಿಯಲ್ಲಿ ನಿರ್ಮಿಸಲಾಗಿದೆ. ಈ ಮನೆಯ ವಿಶಿಷ್ಟ ಭಾಗವೆಂದರೆ ಕೆಲವು ಕೊಠಡಿಗಳು ರಾಜಸ್ಥಾನದಲ್ಲಿವೆ ಮತ್ತು ಇತರ ಕೊಠಡಿಗಳು ಹರಿಯಾಣದಲ್ಲಿವೆ!
ಒತ್ತಡ ಹೆಚ್ಚಿದ್ಯಾ? ಹೈರಾಣಾಗಿದ್ದೀರಾ? ನಟ ಮಾಧವನ್ ಅನುಸರಿಸೋ ಒತ್ತಡ ನಿವಾರಣೆ ತಂತ್ರಗಳಿವು..
ಈ ವಿಶಿಷ್ಟ ಆಸ್ತಿಯನ್ನು ರಾಜಸ್ಥಾನದ ಭಿವಾಡಿ ಅಲ್ವಾರ್ ಬೈಪಾಸ್ ರಸ್ತೆ ಮತ್ತು ಹರಿಯಾಣದ ರೇವಾರಿಯ ಧರುಹೆರಾದಲ್ಲಿ ನಿರ್ಮಿಸಲಾಗಿದೆ. ನಿವಾಸದಲ್ಲಿ ಒಟ್ಟು ಹತ್ತು ಕೊಠಡಿಗಳಿವೆ. ಅದರಲ್ಲಿ ಆರು ಕೊಠಡಿಗಳು ರಾಜಸ್ಥಾನದಲ್ಲಿ ಮತ್ತು ನಾಲ್ಕು ಹರಿಯಾಣದಲ್ಲಿವೆ. ಇದು ಆಸ್ತಿಯ ಬಗ್ಗೆ ಆಶ್ಚರ್ಯಕರ ಸಂಗತಿಯಲ್ಲ. ಈ ಮನೆಯ ಹೊರಗೆ ಯಾರಾದರೂ ನಿಂತಿದ್ದರೆ ಅವರು ರಾಜಸ್ಥಾನದಲ್ಲಿರುತ್ತಾರೆ, ಆದರೆ ಅವರು ಮನೆಯೊಳಗೆ ಹೋದ ತಕ್ಷಣ ಅವರು ಬೇರೆ ರಾಜ್ಯಕ್ಕೆ, ಅಂದರೆ ಹರಿಯಾಣಕ್ಕೆ ತಲುಪುತ್ತಾರೆ ಎಂದು ಕಂಡುಬಂದಿದೆ. ಜನರು ಬಸ್ ಅಥವಾ ರೈಲು ಬಳಸದೆ ಎರಡು ರಾಜ್ಯಗಳಿಗೆ ಪ್ರಯಾಣಿಸಬಹುದು ಎಂದು ಪ್ರದೇಶದ ಸುತ್ತಮುತ್ತಲಿನ ಸ್ಥಳೀಯರು ಹೇಳುತ್ತಾರೆ.
ಯಪ್ಪಾ, ಹಿಂಗೆಲ್ಲ ಇರುತ್ತಾ ಆಡಿಶನ್?! 10 ಗಂಡಸರನ್ನು ನಿಲ್ಲಿಸಿ ನಟಿಯ ಬಳಿ ಕಿಸ್ ಮಾಡಲು ಹೇಳಿದ ನಿರ್ದೇಶಕ!
ಚೌಧರಿ ಟೆಕ್ರಾಮ್ ದಯ್ಮಾ ಅವರು ಹಲವು ವರ್ಷಗಳ ಹಿಂದೆ ಈ ಮನೆಯ ಅಡಿಪಾಯವನ್ನು ಹಾಕಿದರು. ಎರಡು ರಾಜ್ಯಗಳ ಗಡಿಯಲ್ಲಿ ಭೂಮಿಯಲ್ಲಿ ನಿರ್ಮಿಸಲಾದ ಈ ಆಸ್ತಿಯು ವರ್ಷಗಳಲ್ಲಿ ಐಷಾರಾಮಿ ಮನೆಯಾಗಿ ಮಾರ್ಪಟ್ಟಿದೆ. ಪ್ರಸ್ತುತ, ಇಬ್ಬರು ಸಹೋದರರು ಅಲ್ಲಿ ವಾಸಿಸುತ್ತಿದ್ದಾರೆ. ಇಬ್ಬರ ಮನೆಯ ದಾಖಲೆ‌ಗಳನ್ನು ಅವರವರ ಕೊಠಡಿಗೆ ತಕ್ಕಂತೆ ತಯಾರಿಸಿದ್ದಾರೆ. ಒಬ್ಬ ಸಹೋದರ ಮನೆಯ ವಿಳಾಸ ಭಾಗದಲ್ಲಿ ರಾಜಸ್ಥಾನ ಎಂದು ಬರೆದರೆ, ಇನ್ನೊಬ್ಬ ಸಹೋದರ ವಿಳಾಸದಲ್ಲಿ ಹರಿಯಾಣ ಎಂದು ಬರೆಯುತ್ತಾನೆ. ಅವರ ವಿದ್ಯುತ್ ಮತ್ತು ನೀರಿನ ಸಂಪರ್ಕಗಳು ಸಹ ಎರಡು ವಿಭಿನ್ನ ರಾಜ್ಯಗಳಿಂದ ಬರುತ್ತವೆ.
ಇತ್ತೀಚೆಗೆ, ಈ ಪ್ರದೇಶವು ಚಿರತೆಯಿಂದ ಅನೇಕ ದಾಳಿಗಳನ್ನು ಎದುರಿಸಿದ ನಂತರ ಈ ಆಸ್ತಿ ಸುದ್ದಿಯಲ್ಲಿತ್ತು. ಕಾಡುಪ್ರಾಣಿ ಮನೆಯೊಳಗೆ ನುಗ್ಗಿದಾಗ ಮನೆಯವರು ಕಾಡುಪ್ರಾಣಿಗಳನ್ನು ಹಿಡಿಯಲು ಎರಡೂ ರಾಜ್ಯಗಳ ಅರಣ್ಯಾಧಿಕಾರಿಗಳನ್ನು ಕರೆಸಬೇಕಾಯಿತು!
